OFW nga ginpatay sa Kuwait, ginlubong na sa Las Piñas

Gindala na sa iya katapusan nga palahuwayan ang Overseas Filipino Worker nga Jullebee Ranara, sini nga adlaw, domingo, Pebrero 5.

Ginpasiguro ang malinong kag matawhay nga paglubong kay Ranara sa Golden Haven Memorial Park sa C5 Extension, Las Piñas City, pinaagi sa pag deploy sang 20 tanan ka mga miyembro sang Philippine National Police (PNP).

Isa lamang si Ranara sa mga Filipino nga nagtrabaho sa Kuwait kag gin abuso.

Ginpatay ang nasambit nga OFW sa Kuwait, sang 17 anyos nga anak sang iya employer.

Natukiban sang mga otoridad nga ginhimuslan si Ranara sang suspek kag nagbusong.

Nasapwan ang sunog nga bangkay sang biktima sa kilid sang dalan sa Kuwait.*