Ginkumpirmar sang Office of the Ombudsman sini nga Martes, Enero 10, nga magapatigayon sila sang imbestigasyon batuk sa mga opisyales sang Department of Agriculture may angut sa pagsaka sang presyo sang pula kag puti nga sibuyas bombay sa mga merkado.
Suno kay Ombudsman Samuel Martires, luyag niya hibaluon ang involvement sang traders sa “price manipulation” nga posible nagtuga sang pagsaka sa farmgate prices sang sibuyas bombay.
Ginpahayag ni Bonena Multipurpose Cooperative Chairman Israel Reguyal nga nagsugod sang bidding process ang mga traders rason nga nagdangat ang farmgate prices sa P550 tubtob P570 kada kilo tinalikdan nga bulan.
Luyag ni Martires nga pasabton ang mga opisyales sang DA kag Food Terminal Inc.
Nag-alokar ang DA sang P140 milyones para sa pagbakal sang sibuyas bombay halin sa mga mangunguma sa farmgate price, samtang ang FTI ang nagbakal sang sibuyas bombay halin sa Bonena.*
