P108,800 Nga Balor Sang Ginasuspetsuhan Shabu Nakuha sa Duha Ka Persona sa Ginpatigayon Nga Buy-Bust sa Dalan Burgos, Bacolod

Kapin P108,800 nga balor sang ginasuspetsuhan shabu ang narekober sa duha ka mga persona sa ginpatigayon nga buy-bust operation sa dalan Burgos, Barangay 19 sa syudad sang Bacolod, takna las 11:15 kagab-i, Hulyo 17.

Gindakop amo sanday Krisha Agsam, alyas “Bukay,” 41-anyos kag si Dennis Selobo, 43-anyos, pareho nga ginakabig street-level individuals, suno sa report sang Bacolod City Drug Enforcement Unit.

Lima ka mga dalagko nga sachets sang ginasuspetsuhan shabu ang nakuha sa operasyon. Ini ang ginabulubanta nagabug-at sang 16 gramos kag may bili nga P108,800.

Yara karon nahunong sa Bacolod Station 4 si Agsam kag Selobo.*