Agud may gamiton sa pagpangita sang trabaho, ginduso ni Las Piñas City Rep. Camille Villar sa Kongreso ang paghatag sang P5,000 nga ayuda para sa mga “new graduates” sa Pilipinas.
Nakasaad sa House Bill (HB) 6542, nga ihatag ang ayuda sang isa ka beses lamang para sa mga graduates sang unibersidad okon kolehiyo sa Pilipinas.
![](https://i0.wp.com/radyobandera.com/wp-content/uploads/2023/01/Graduates.jpg?resize=696%2C391&ssl=1)
Katuyuan sang hagna nga mahatagan sang inisyal nga panggastos ang estudyante nga bag-o gid lamang nag graduate kag nabudlayan sa pagpangita sang trabaho, bangud wala sang gamiton nga pondo.
Gintumod man ni Villar ang tuman kamahal nga presyo sang mga balaklon sa pungsod , gani nabudlayan sa ila nga budget ang mga new graduates, ilabi na ang mga nagikan sa pigado nga pamilya.
Kinahanglan lamang sang mga graduates nga magpadulong sa ahensya sang gobyerno kag mag presentar sang ila nga diploma agud maka avail sang “one time ayuda”.*