- Advertisement -
May 39 ka asawa, 94 ka anak kag 33 ka apo ang padre de pamilya nga si Ziona Chana nga nagtaliwan sa edad nga 76.
Siya ang pinuno sang local Christian sect nga “Chana” nga nagapahanugot sang polygamy, suno Zoramthanga, chief minister sang Mizoram.
Ang pamilya ni Ziona ang may 167 ka miyembro kag ini ang pinakadamo sa bilog nga kalibutan suno sa local media.
- Advertisement -
Nagpangabuhi si Ziona kaupod ang pamilya sa isa ka malapad nga 4th floor nga pink nga building nga may 100 ka kwarto sa Baktawng, isa ka remote village sa Mizoram.
Ang sekta sang Chana ang gintukod sang amay ni Ziona sadtong 1942.
