Gin-aprobahan na sa third and final reading sang House of Representatives ang hagna nga magapa-isol sang isa pa gid ka tuig, sang 2022 Barangay and Sangguniang Kabataan elections (BSKE) nga una na gin-schedule sa Disyembre 5.
Sa session sang House sini nga Martes, 264 ka mga mamalidha ang nagboto nga pabor sa House Bill No. 4673 ukon “An Act Postponing the 2022 Barangay and Sangguniang Kabataan Elections,” nga maga-amenda sa R.A. 9164 nga nagamando sang eleksyon kada tatlo ka tuig.
Samtang, anum naman ang nagboto nga “no” samtang tatlo ang nag-abstain.
Isa na ka consolidated version sang masobra 30 ka mga hagna ang nasambit nga tikang. Sa idalum sini, iga-reschedule ang BSKE sa Disyembre 2023, may angut man sa hangyo sang Commission on Elections nga indi pag-reschedule ang barangay elections sa 2024 bangud mangin Masako na sila sa preparasyon para sa 2025 midterm elections.
