- Advertisement -
Ginklaro sang National Telecommunications Company okon NTC nga wala sang limitasyon ang pag-angkon kag pagparehistro sang madamu nga sim card sang tagsa ka indibidwal.
Suno sa NTC ginapahanugutan sa idalum sang SIM card registration act ang “multiple sim card registration”, apang ginpaandaman sang NTC consultant ang pumuluyo nga delikado ang pag-angkon sang madamu nga sim card, ilabi na kon magamit ini sa kremin.
Ginpaathag ni Engineer Edgardo Cabarios, nga mangin primary suspect sa kaso ang indibidwal nga nakarehistro sa SIM card, sa ti-on nga magamit ang SIM card sa kremin.
- Advertisement -
Ginpanugyan sang NTC sa mga nagapanag-iya sang SIM card nga dapat e report sa gilayon sa mga otoridad ang insidente agud makansela ang paggamit sang SIM card.*
