Gin-isol sang Premier Volleyball League (PVL) ang Invitation Conference halin Hulyo 2 sa bag-o nga petsa sa Hulyo 9.
Ini agud mahatagan pa sang tion ang mga “team” nga maka-preparar para sa pagbalik-aksyon sang liga.
“Due to requests from our members teams, the PVL has decided to move the start of the Invitational Conference 2022 from July 2 to 9,” base sa statement sang liga.
Magasabak ang Asian foreign teams nga Kobe Shinwa Women’s University sang Japan kag ang Taipei King Whales sang Taiwan Volleyball League.
Pito ka local teams ang maga-partisipar sa pagpanguna sang reigning Reinforced Conference champion nga Creamline.
Maga-hataw man nang Petro Gazz, Cignal HD, Choco Mucho, Chery Tiggo, PLDT, kag Army Black Mamba.
Indi naman mag-intra ang F2 Logistics kag BaliPure apang magapartisipar ini sa Open Conference.
Indi naman bag-o ang Kobe Shinwa sa Pilipina sa diin, nagkampeon na ini sa invitational tournament lima ka tuig na ang nakaligad.
