Pagsaka sang presyo sang itlog ginabantayan naman sang gobyerno

Magluwas sa sibuyas bombay, nagsaka naman ang presyo sang itlog sa mga merkado sini nga tuig.

Base sa monitoring sang Department of Agriculture (DA), ang “selling price” sang “medium size” nga itlog nagsaka na sa P6.90 tubtub P8.70 kada bilog, kahapon Miyerkules, Enero 12. Mas mataas ini sa presyo nga P5.00 tubtub P6.50 sang tuig 2022.

Suno sa mga egg producers, nagsaka ang presyo sang feeds okon bubod nga ginapakaon sa mga manok nga nagapangitlog.

Ginpalayag man sang mga negosyante nga wala sila naga ginansya sang daku, apisar nga ila gindugangan ang “farm gate price” sang ila produkto.*