Nagapanawagan ang Philippine Federation of Bakers Association nga mag price hike ang mga pandesal bakers sa ila nga baligya nga mga pandesal bangud sa pagtaas sang mga panakot sini.
Ang pandesal isa ka ginakaon sang mga Pinoy kaupod ang kape kag pwede man ini ibulos sa kan-on nga pamahaw.
Humalin sa P1.00 ukon P2.00 nga pandesal mahimo na sa P4.00 ang regular nga pandesal kag P8.00 naman sa jumbo.
“Yung kinita mo ngayon, pamimili mo bukas, walang malaking bodega na pag-iistockan ng mga harina, mantika, asukal. Maliliit lang ang aming bakery.” Suno kay Chito Chavez spokesperson sang Philippine Federation of Bakers Association.
Mahimo nga magdugang ang presyo sang mga pandesal bangud nagtaas man ang mga panakot nga ginagamit sang mga bakers kalakip na diri ang harina, mantika kag kalamay.
