Nagsaka na sa 32 ka mga persona ang nabawian sang kabuhi, sa pagkalunod sang MV Lady Mary Joy 3 sa probinsya sang Basilan, matapos nga na “retrieve” ang isa pa gid ka bangkay sini nga adlaw, Domingo.
Sa report sang GMA News, na “turn over” na sa Municipal Disaster Risk Reduction and Management Office (MDRRMO) sa banwa sang Maluso, ang bangkay ni Alses Hassan, nga una gindeklarar “missing” sang masunog ang passenger vessel.
Isa si Hassan sa duha ka mga bangkay nga ginapangita sang Philippine Coast Guard, agud makumpleto na ang listahan sang mga “casualties” sa trahedya.
Marso 29, nasunog ang barko nga MV Lady Mary Joy 3 sa probinsya sang Basilan, samtang nagalayag padulong sa Jolo, Sulu.
Nangin mabudlay para sa mga otoridad ang pagpatigayon sang search and rescue operations bangud ang indi insakto nga record sa manifesto sang mga pasahero.*
