BACOLOD CITY– Pagahiwaton ang Philippine National Volleyball Federation (PNVF) Champions League sa Philsports Arena, Pasig City sa maabot nga Nobyembre 5 tubtob 12, 2022.
Suno kay PNVF Secretary General nga si Don Caringal, walo ka teams sang women’s kag 17 ka teams sang men’s ang makipagbahin sa liga.
Base sa orihinal nga plano sang committee, 16 lang kuntani ka teams ang makipagbahin apang madamo nga Local Government Units (LGUs) ang luyag magpartisipar.
Nalakip sa mga lugar nga mangin parte sang liga amo ang Naga, Bulacan, Santa Rosa, Quezon City, Baguio, Imus, Nueva Ecija, Valenzuela, Tacloban, Aklan, Negros, Mandaue, Zamboanga, Manila, Cignal, Philippine Navy, Apayao, Bacolod, Davao kag California.
Sa inagurasyon sang nasambit nga liga, daug ang Dasma Monarchs sa men’s samtang F2 Logistics naman sa women’s.
Ini na ang ika-duha nga season sang PNVF Champions League.*
