Pito ka mga persona nagkalamatay bangud sa linog sa China

Nabawian sang kabuhi ang pito tanan ka mga indibidwal, matapos nga nagluntad ang mabaskog nga linog sa Sichuan province sa pungsod China.

Base sa report, natiphag ang duta sa nabukid nga bahin sang probinsya kag may nahalitan nga mga puluy-an.

Nakaangkon man sang kahalitan ang mga linya sang komunikasyon sa pila ka mga areas sa probinsya.

Antis la 1:00 sang hapon, sini nga lunes, nagluntad ang 6.6 magnitude nga linog 43 kilometros “southeast” sang siudad sa Kangding sa Sichuan province kag may kadalumon nga 10 kilometros, base sa record sang US Geological Survey.

Makapila man ka beses nga nagluntad ang mga aftershocks matapos ang mabaskog nga linog.