PMaj. Mary Grace Borio bag-o nga spokesperson sang PRO-6

Nagtal-os bilang bag-o nga spokesperson sang Police Regional Office-6 sa Western Visayas si Police Major Mary Grace Borio.

Ginbuslan ni Borio si Police Lt. Colonel Arnel Solis.

Si PMaj. Borio ang chief sang strategy review section kag chief sang scorecard management and alignment section sang Regional Police Strategy Management Unit 6.

Magapaidalum naman sa mandatory schooling si Plt. Col. Solis agud nga mangin full-fledged colonel.

Angut diri, nagapasalig si Borio nga mapadayon ang maayo nga pagtamdanay sa mga katapo sang media agud nga makahatag sang impormasyon nga kinahanglan sang publiko.