Polillo Island ginpaidalum na sa TCWS No. 5 samtang nagapalapit si Supertyphoon Karding sa isla

Sa masunod nga 12 oras, magalaslas ang supertyphoon nga si Karding sa Polillo Island.

Sa nasambit nga lugar mabatyagan ang tuman kabaskog nga huyop sang hangin nga magalab-ot sa masobra 185 kilometros por ora.

Ginalauman na ang tuman nga kahalitan nga madulot sang bagyo nga si Karding sa lugar.

Base sa advisory sang PAGASA, las 11:00 sini nga aga, Domingo, nakit-an ang sentro ni Karding sa kalayuon nga 175 kilometros gikan sa nasidlangan nga bahin sang Infanta, Quezon.

Nagagiho ini sa kadasigon nga 20 kilometros por ora padulong sa nakatundan nga direksyon.

Suno sa PAGASA, may kabaskugon si Karding nga 195 tubtub 240 kilometros por ora kag isa na ka supertyphoon las 5:00 kaina sang aga.*