PHILIPPINES – Luyag ni President Ferdinand “Bongbong” Marcos Jr. nga patigayunon ang government-to-government (G2G) deals agud masolusyunan ang padayon nga pagsaka sang presyo sang abono.
Ginsiling ni Marcos nga pagapamunuan sini ang Department of Agriculture (DA), nga kun sa diin pwede makakuha ang gobyerno sang mas manubo nga presyo sang fertilizer paagi sa G2G deals.
Ginaplano naman ni Marcos nga makig-angot ini sa China, Indonesia, United Arab Emirates, Malaysia, kag Russia para sa pagbakal sang pungsod sang mga abono.
Gindugang pa sini nga luyag niya sulatan ang gobyerno sang mga nasambit nga pungsod agud maipahibalo ang kadamuon sang fertilizer nga kinahanglan sang Pilipinas.
Ang pagtaas sang produksyon sang bugas ang pinakamabug-at nga isyu nga kinahanglan pagatagaan sang solusyon sang Department of Agriculture.
