Ginapauna ni Pangulong Rodrigo Duterte si Vice President Leni Robredo nga magpabakuna batok sa coronavirus disease (COVID-19) matapos ang pagpanawagan sang bise nga una anay magpabakuna si Duterte.
“Siya ang mauna,” suno kay Duterte.
“Siya (Robredo) man ‘yong apurado, siya ang mauna. Ako, I cannot just decide. She’s young, I am not. I have to defer to my doctor,” palayag ni Presidente Duterte sa isa ka press briefing.
Suno kay Robredo, ini agud mapabaskog ang kumpiyansa sang publiko sa bakuna matapos mabaton sang pungsod ang pinakauna nga suplay sang bakuna.
“Ano bang problema nila sa bakuna na talagang magpabakuna man ako? If I do not want to die and get COVID, I should get one. I go around a lot. I meet so many people on any given trip outside,” palayag ni Duterte.
“Bakit dadramahin pa ‘yang sinong mauna, sinong… Ako magpabakuna. Ang problema, ang doktor ko may hinihintay,” dugang pa nga palayag ni Duterte.
Matandaan nga ginsiling sang FDA nga wala ginarekomendar ang Sinovac vaccine sa mga tigulang apisar nga ginsiling sang kompanya nga epektibo ini sa nasambit nga age group.
Una na nga ginsiling ni spokesperson Harry Roque nga mas luyag ni Presidente Duterte ang bakuna Sinopharm nga isa man ka bakuna nga ginhimo sang China.
