Nagsaka na ang presyo sang bulak sa Dangwa market sa Manila, sini nga adlaw, huwebes.
Isa ang rosas nga mabakal sa mataas na nga presyo sa nasambit nga balaligyaan.
Mabakal ang kada bundle sang local roses sa P700 pesos gikan sa bili nga P300 lamang.
Gikan sa 30, nagabili na sang P80 pesos ang kada stem sang roses.
Nagsaka naman sa P1,500 ang isa ka bundle sang imported nga roses gikan sa P1,000 kada bundle.
Gikan sa P500 nagsaka na sa P800 ang kada bundle sang sunflower.
Magluwas sa rosas kag sunflower, nagsaka man ang presyo sang iban pa nga bulak sa Dangwa market katulad sang carnation,gerbera kag baby’s breath.
Suno sa mga nagabaligya, nagmahal ang presyo sang bulak, bangud sang matugnaw nga panahon nga nagresulta sa paghina sang suplay.
Posible pa nga magdoble ang presyo sang bulak sa Dangwa samtang nagahilapit ang Valentine’s Day.*
