Rider nga Estudyante Patay Matapos Mabungguan sang SUV

POZORRUBIO, PANGASINAN – Patay ang 19-anyos nga rider matapos nabungguan sang sport utility vehicle (SUV) ang iya ginamaneho nga motorsiklo sa banwa sang Pozorrubio sa probinsya sang Pangasinan sang Biyernes, Agosto 26.

Base sa CCTV footage, maliko kuntani pakadto sa pihak nga karsada ang biktima sang mabungguan ini sang SUV.

Bangud sa mabaskog nga pagkabunggo, nagtabog ang biktima kag nawasak ang iya motorsiklo.

Suno sa kapulisan, nabunggo ang biktima sa windshield sang SUV nga gintunaan sang iya kamatayon.

Yara karun sa kustodiya sang kapulisan ang drayber sang SUV kag nagapang-atubang sa kaso nga reckless imprudence resulting to homicide.