Sakayan pandagat gin-igo sang kilat sa Roxas City; isa pilason, isa missing!

Pilason ang isa ka crew kag missing naman ang boat captain matapos gin-igo sang kilat ang ila ginasakyan nga sakayan pandagat sa Barangay Culasi, siudad sang Roxas takna las 7:00 sang gab-i, Biyernes, Setyembre 15, 2023.

Base sa report sang Radyo Bandera Iloilo, sakay sang fishing boat ang apat ka mga crew nalakip na ang pilason nga crew kag missing nga kapitan.

Samtang yara sila sa tunga sang lawod, hinali na lamang gin-igo sang kilat ang ila sakayan pandagat.

Gilayon naman nga ginrespondehan sang Philippine Coast Guard Auxiliary ang lugar kag gindala ang pilason sa Roxas Memorial Provincial Hospital agud mahatagan sang medikal nga atensyon.

Samtang, nagapadayon naman ang pagpangita sa missing nga kapitan.*