CALATRAVA, NEGROS OCCIDENTAL– Dead-on-the-spot ang isa ka sari sari store owner matapos gin-alegar ginluthang ang kaugalingon nga kabuhi sa Barangay Lo-ok, Calatrava, Negros Occidental kaina sang aga, Setyembre 24, 2023.
Base sa spot report sang kapulisan, nakabaton sang tawag ang duty desk officer sang Calatrava Police Station gikan sa Municipal Disaster Risk Reduction and Management Office nga gina-alegar may nagluntad nga suicide sa nasambit nga barangay.
Gilayon naman nag-responde ang kapulisan angut sa insidente.
Nabati-an na lamang sang isa ka residente nga may naglupok nga pusil sa area.
Bangud naka-lock ang pwertahan, ginpilit ini buksan sang nakabati sang lupok kag didto na lamang niya natalupangdan ang biktima nga duguon kag nagahigda na lamang sa salog.
Ginhingagaw pa dala ang biktima sa Calatrava Municipal Hospital apang gindeklarar ini nga wala na sang kabuhi.
Ginapatihan naman nga depresyon ang rason sang pag-utas sang kaugalingon niya nga kabuhi.*
