Standard fee sa driving schools, igapaguwa sang LTO

Gin-anunsyo sang Land Transportation Office (LTO) nga ipaguwa nila ang price cap sang mga driving school antes magtakop ang Marso.

Sadtong Enero, ginpahayag sang ahensya ang mga plano nga i-standardize ang mga balayran sa pagtuon sang pagmaneho sa mga driving school.

Ini ang sa tunga sang mga reklamo nga tuman na kamahal sang mga balayran, nga nagdangat ang gastos sa P18,000 antes makakuha sang lisensya.

Angut diri, magapatigayon ang ahensya sang consultative meeting kaupod ang mga stakeholder, mga tiglawas sang driving school kag pribado nga sektor agud makuha ang ila opinyon angut sa isyu.*