Gin-aprubahan sang Sangguniang Panlungsod ang isa ka resolusyon nga nagapangabay sa City Accountant, City Treasurer kag City Budget Officer pinaagi sa opisina sang alkalde ang kagastuhanan kag kun pila ang nabilin sa P119M bayanihan grant gikan sa national government sa sesyon subong gid lamang nga hapon.
Ang “RESOLUTION REQUESTING THE CITY ACCOUNTANT, CITY TREASURER, CITY BUDGET OFFICER THROUGH THE OFFICE OF THE CITY MAYOR TO FURNISH THE SANGGUNIANG PANLUNGSOD OF BACOLOD OF AN UPDATE ON THE STATUS OF EXPENDITURES AND BALANCES OF THE P119M BAYANIHAN GRANTS FROM THE NATIONAL GOVERNMENT FROM ITS RECIEPT UNTIL SEPTEMBER 15, 2020” ang ginduso ni Councilor Archie Baribar matapos ginsiling ni Councilor Wilson “Jun” Gamboa nga ini ang iya na napropose sang nagligad nga sesyon apang wala sang may nagsuporta rason nga wala ini ma pasar.
Liwat naman ini nga ginpasar ni Councilor Baribar kag ginsuportahan naman sang bilog nga konseho.
