Suicide bomber nag atake sa isa ka buluthu-an; 19 ka mga estudyante patay sa insidente

Naga preparar na kuntani ang mga estudyante para sa ila eksaminasyon, sang hinali lang nga nagtuhaw ang suicide bomber sa ila buluthuan kag ginpalupok ang iya kaugalingon.

Bangud sang insidente, nagkalamatay ang 19 tanan ka mga estudyante kag 27 ang nasamaran.

Nagluntad ang pagpangatake biyernes sang aga sa Dasht-e-Barchi sa Kabul, Afghanistan.

Ang nagluntad nga pagpangatake isa lamang sa maduguon nga mga insidente sa Afghanistan, sa diin kalabanan sa mga target sa pagpangatake, amo ang mga kabataan, kababainhan subong man mga buluthuan.

May mga insidente naman sang suicide bombing sa Afghanistan nga gina-aku sang Islamic State (IS).