Isabela, Negros Occidental—Nadakpan na sini nga aga, Hunyo 19 ang suspek sa pagpamuno sa isa ka lalaki alas 7:04 kagab-e, Hunyo 18 sa Hacienda Enriquita, Brgy. Tinongan sa banwa sang Isabela.
Ang biktima ginkilala kay Rolly Solano y Tanciano, 46-anyos, residente sang amo nga lugar.
Samtang, ang suspek ginkilala kay Mark Palma y Ferrer, 38-anyos.
Base sa imbestigasyon sang kapulisan, may nagluntad nga paglalisanay sa suspek kag biktima sa diin, wala ginpasgutan ni Rolly si Mark nga mag-agi sa main gate sang ila compound kag gintudlo sa isa ka gate.
Apang, hinali nalang naakig ang suspek kag ginbuno ang biktima gamit ang “home-made pointed steel tube” nga nag-igo sa nagkalain-lain niya nga lawas.
Nahimo pa magpalagyo sang suspek apang nadakpan ini sang mga Barangay Tanod kaupod ang Barangay Kapitan kag gin-surrender sa Isabela PNP.
