Tag-iya sang gin-alegar ginatukod nga bulangan sa Tangub, wala pa nakakadto sa OBO

BACOLOD CITY– Wala pa nakakadto tubtob subong sa opisina sang Office of the Building Officials (OBO) ang tag-iya sang gina-alegar bulangan sa Zone 3, Purok Paghidaet, Barangay Tangub sa siudad sang Bacolod.

Sa pahayag ni Engr. Isidro Sun, nagpapanaog na sila sang Notice of Violation sa tag-iya sang bulangan kag gina-imbetar ini nga magkadto sa ipsina sang OBO para magproseso sang mga kinahanglan nga mga dokumento.

Bangud nga wala nagkadto ang tag-iya sang propiedad nga ginatukod sa Barangay Tangub magapapanog na sang Notice of Stoppage ang OBO sa tag-iya kag ipasa sa City Legal Office sa posible nga paga-atubangon sang tagiya sa wala pag-comply sang permit.

Naglapas ang tag-iya sang bulangan sa construction without building permit.*