Maga-offer ang Harvard University sang ‘Tagalog course’ suno sa report sa student paper Harvard Crimson.
Ang University Department sang South Asian Studies ang maga-hire sang tatlo ka instructors para magtudlo sang Tagalog, Bahasa Indonesia, kag Thai para sa academic year 2023 to 2024, base sa report.
Ginpahayag ni James Robson, professor sang East Asian Languages and Civilizations kag director sang Harvard’s Asia Center, nga nagahimo sila sang tikang agud mapasangkad ang edukasyon angot sa Southeast Asia sang nasambit nga unibersidad sa masobra duha ka tuig.
Pinaagi sa Tagalog course, ginpahayag ni Robson nga nagalaum ang Harvard department nga ma-demonstrate ang demand para sa Southeast Asian languages.
Ginpahayag naman ni Eleanor Wikstrom, co-president sang Harvard Philippine Forum (HPF) kag Crimson editorial chair, nga ang pag-gamit sang Tagalog language nga iga-offer sa unibersidad ang isa sa mga goal sang grupo.
