Dungan nga nag-file sang ila tagsa ka mga certificates of candidacy (COCs) sanday Senator Panfilo “Ping” Lacson kag Senate President Vicente Sotto III, sini nga Miyerkules, Oktubre 6, 2021.
Nagpapili bilang pangulo si Lacson sa idalum sang partido Demokratikong Reporma Party (Reporma), samtang si Sotto naman ang nagapapili sa idalum sang Nationalist People’s Coalition.
Antis nag file sang COC sa Harbor Garden Tent sa Sofitel Philippine Plaza Manila sa Pasay City, nagtambong sanday Sotto kag Lacson sa isa ka misa nga ginpatigayon sa basketball court sa sulod sang compound sang senado.
Nagaserbe karon sa iya ika-tatlo nga termino si Lacson, nga ang nagapanguna nga plataporma amo ang pakig-away sa korapsyon.
Opisyal nga gin-lunsar sang Lacson-Sotto tandem ang ila tinutuyo nga magpadalagan sa 2022 elections, para sa duha ka pinakamataas nga posisyon sa gobyerno, tinalikdan nga Setyembre 8.
Sila ang pinakauna nga tandem nga nag-anunsyo sang ila kandidatura.*
