Napatay ang tatlo ka deboto kag pilason naman ang tatlo nga sakay sang bangka matapos makuryente sa fluvial parada sa Apalit Pampanga sang Huwebes, Hunyo 30.
Kaangot sang pagselebrar sa kapistahan sang St. Peter the Apostle ang ginhiwat nga parada sa suba nga nagsugod halin sa shrine sang Barangay Capalangan pakadto sa suba sang Pampanga.
Suno sa imbestigayson, natabo ang insidente sang nagsalawid ang sansalun nga banderitas sang bangka sa live wire nga gintunaan sang pag-kuryente sang anom ka mga biktima.
Ginsiling sang mga opisyales nga ginalantaw pa nila kun may salabton diri ang kapitan sang bangka sa natabo nga insidente.
Gindala ang mga biktima sa ospital apang gindeklarar ang tatlo nga dead-on-arrival.
Apang, patigayunon gihapon sang mga otoridad ang prusisyon.
