Tatlo ka persona patay matapos maigo sang kilat sa Bulgaria

Patay ang tatlo ka persona nga nagapasilong sa idalum sang kahoy sa Bulgarian capital Sofia sang Martes nga adlaw, Setyembre 28, 2022 bangud na igo ini sang kilat.

Samtang, isa naman ang yara sa kritkal nga kondisyon sa ospital suno sa spokeswoman sang emergency services.

Nagapangedaron naman ang mga biktima sa 20-anyos tubob 30-anyos.

Dugang pa diri may yara naman sang pilason nga lalaki matapos man ini maigo sang kilat samtang yara sa isa ka hardin sang kapitolyo.

Suno pa sa ila nga weather services nga nag-igo ang 800 cloud-to-ground lightning bolts sa Sofia sa sulod sang isa ka oras.

May kaupod nga pag ulan ang nasambit nga kilat nga rason man sang pagbaha kag pagkadula sang kuryente sa lugar.