TARANGNAN, Samar — Patay sa pagpangluthang ang duha ka mga barangay chairman sa banwa sang Tarangan sa probinsya sang Samar kag isa ka habal-habal driver matapos nga ginpaulanan sang bala Miyerkules sang aga.
Ginkilala ang mga biktima nga amo sanday Brgy. Marabut chairman Bonifacio Babon, 63; Bgy. Awang chairman Amelita Helbolario; kag habal-habal driver nga si Elpidio Babon Jr. Sa inisyal nga imbestigasyon sang pulisya, padulong sa poblacion ang mga biktima agud nga magtambong sa isa ka pulong, apang pagdangat sa Barangay Balugo, ginpangluthang ang mga ini sang wala makilal-an nga mga suspetsado nga sakay sa motorsiklo.
Dead on the spot ang duha ka babon, samtang gindeklarar nga patay si Helbolario sang dal-on ini sa Samar Provincial Hospital.
Sa karon nagapadayon pa ang imbestigasyon sang mga kapulisan para sa pagkakilala kag pagkadakop sang mga responsible sang krimen.
