Ginpaathag ni Senator Sonny Angara, chairman senate committee on finance nga magabenepisyo sa Tax Reform for Acceleration and Inclusion Law (TRAIN Law) ukon Republic Act No. 10963 ang mga middle class amo ang mga manunudlo, ordinaryo nga mga empleyado nga nagabaton sang sweldo kag ginabuhinan sang withholding tax bangud mabuhinan na ang buhis sini sa masunod nga tuig.
Nagalaum naman ang iban nga mambabatas nga ang tax deduction sa idalum sang TRAIN ang makabulig kaupod ang gin-promisa ni Angara nga lantawon ang iban nga posible nga mekanismo agud mapamag-an ang financial struggle sang mga yara sa middle class sector.
Bukas man ang mga senador sa paghatag sang cash subsidies para sa middle class apang kinahanglan nga may bastante nga pondo ang gobyerno kag prayoridad ang mga pigado nga mga Pilipino.
Nauna na nga ginpanawagan sang pila ka mambabatas nga hatagan sang gobyerno sang ayuda ang yara sa middle class bangud sa asud-asud nga pagsaka sang presyo sang gatung.
