BACOLOD CITY – Nagbilin sang sulat sa iya iloy ang isa ka 18-anyos nga lalaki antis sini gin-utas ang iya kaugalingon nga kabuhi sa banwa sang La Castellana, Negros Occidental, takna las 4:16 sang hapon, Miyerkules, Nobyembre 16, 2022.
“MA SORRY Sa mga sala ko ma. Tani ma antis kona amoni naka opod kopa papa kono kag gusto koged ma opod papa koya ma gusto ko ng ma batyag nga may papa gd. Gosto ko man ng ma opod sa kaso indi pwede ei kag indi ka man indi man ko daan gusto ng mapalayo sin-nyo pero ma besan gena sabat taka palangga taka ya ma. Wala ko lang gina pakita sorry sa tanan ko nga sala ma,” suno sa note nga ginbilin sang biktima.
Ginhigtan sang biktima ang iya liog sang kalat ukon “nylon rope” antis ini ginpakabit sa ila balayan.
Sandig sa imbestigasyon, nakabaton sang tawag ang pulis nga may isa ka lalaki nga gin-alegar naghikog. Gilayon naman nagresponder ang kapulisan kag sa ila pag-abot, nakit-an ang lawas sang biktima nga yara sa sulod sang ila balay kag may “ligature mark” sa iya nga liog.
“Kag may apo kana base ma kay ga busong na si ******* ma. Pag dako na ang Bata pwede dal on sasasakon preme kag indi mo ged i pabay an sila ah. I LOVE YOU MAMA,” ulihi nga bahin sang sulat sang biktima.
Yari ang contact number sang Hopeline, isa ka 24/7 suicide prevention kag crisis support helpline sa Pilipinas:
PLDT: (02) 804-4673
Globe: (0917) 558-4673
Toll-free for Globe/TM: 2919
