Daw kaangay sang pelikula ang ginhimo sang tatlo ka babaye matapos nila ginsulong sa Pototan Old Market ang ex-girlfriend sang nobyo sang isa sa ila kag nagtuga sang pagdinumugay sa sulod sang merkado.
Base sa video nga nakuha sang mga nakasaksi, daw indi pa magpapugong ang mga kabataan nga naga-guramusay sa madamo nga tawo.
Base sa report sang Radyo Bandera Iloilo, ginpahayag nga ginkadtuan sang tatlo ka babaye si alyas “Mae”, menor de edad sa sulod sang merkado kag wala duwa-duwa nga gintampa ginguramos kag ginsakit nila ini.
Base naman sa imbestigasyon sang kapulisan, na-init ang ulo kag naakig ang mga babaye kay alyas “Mae” bangud bag-o lang nila nabal-an nga “ex” siya sang migo sang isa sa ila.
Nahibaluan man nga si alyas “Mae” kag ang boyfriend sang isa sa ila ang naga-kontakanay pa rason nga nagtuga ini sang kaakig sang grupo.
Nakaangkon sang pilas sa nagkalain-lain nga lawas kag mga marka sang kuko ang mga babaye.
Gindala naman sila sa Pototan Municipal Police Sation kag ginpa-settle sa mga otoridad.
