BACOLOD CITY- Pagasuportahan sang University Athletics Association of the Philippines (UAAP) ang Philippine National Volleyball Association (PNVF) angut sa pagpatigayon sang mga players para sa national team.
Suno kay Adamson kag UAAP Season 85 President Father Aldrin Suan, suportado gid sang UAAP ang PNVF sa maabot nga mga liga.
Nagtambong sa pagsinapol sanday PNVF President Ramon “Tats” Suzara, Secretary General Don Caringal, Sergio Lim kag Nilo Ocampo sang National University (NU), Em Fernandez sang Ateneo de Manila University (ADMU), Mark Molina sang Far Eastern University (FEU), Rod Roque sang University of the East (UE), Secretary Treasurer Father Andrew Bayal sang Adamson University (AdU), Nonong Calanog sang De la Salle University (DLSU), Dean Francisco “Kiko” Diaz sang University of the Philippines (UP), Gigi Kamus sang University of Santo Tomas (UST) kag si UAAP Executive Director nga si Rebo Saguisag.
Ini angut sa International Volleyball Federation (FIVB) ang pagpahulam sang mga UAAP volleyball players agud maghampang.
Magapartisipar naman sa maabot nga Mayo 5 tubtob 16 tuig 2023 ang national team sa ika-32 nga Southeast Asian Games sa Cambodia.
Posible man makita ang mga UAAP players sa ika-19 nga Asian Games sa Hangzhou, Asian Championships, Asian Volleyball Confederation Cups for Men and Women kag sa ASEAN Grand Prix.
