Naglambot na sa P398 million ang utang sang Department of Foreign Affairs sa isa ka kompanya angut sa printing sang e-passports.
Sa budget deliberation sa Senado sini nga Huwebes, ginpamangkot ni Sen. Imee Marcos kun ano ang ginahimo sang DFA agud mabayran ang kumpanya nga Apo Production Unit ilabi na kag ginabasol ang ahensya sa mga delay sang printing sang mga pasaporte.
Suno kay DFA Undersecretary Brigido Dulay sang Civilian Security and Consular Affairs, nagkalain-lain ang presyo sang service para sa passport printing sa mga nakaligad nga tuig.
Sa 2022 proposed budget, may nakapartiniser nga P3.446 billion para sa e-passport printing. Apang ginsiling ni DFA Assistant Secretary Myla Grace Macahilig, nga wala nalakip diri ang pambayad sang utang sa APO bangud pareho lang ang budget subong nga 2021 ang ginpain para sa masunod nga tuig.*
