Naglab-ot ang utang sang Pilipinas sa bag-o nga record-high nga P12.89 trillion malapit na sa P13 trillion “as of end-July 2022.”
Ini ang nakasaad sa ginpaguwa nga data sang Bureau of the Treasury (BTr).
Ang debt stock sa pito ka bulan sang tuig ang naglab-ot sa 0.8% ukon P96.09 bilyon halin sa katapusan sang Hunyo 2022 sa level nga P12.79 trillion.
Nakita sang Treasury nga ang pagtaas ang bangud sa “the net issuances of domestic and external loans as well as currency adjustments.”
Nagtaas man ang debt level sa pagtapos sang Hulyo 2022 sang 11% ukon P1.277 trilyon halin sa pagtapos sang July 2021 outstanding debt nga P11.61 trilyon.
Samtang, ginalauman nga magahulam ang gobyerno sang Pilipinas sang masobra P1 trillion para panabon sa ginabulubanta budget deficit sa masunod nga tuig.
