Napamatud-an na pinaagi sa pagtuon sang Department of Science and Technology (DOST) nga epektibo ang Virgin Coconut oil (VCO) sa pagbulong sang pasyente nga naga eksperyensya sang “mild” nga sintoma sang COVID 19.
Suno kay Dr. Imelda Angeles-Agdeppa, director sang DOST Food and Nutrition Research Institute, amat amat nga nagakadula ang sintoma sa mga pasyente nga may COVID 19 sa sulod sang duha ka adlaw, matapos nga naggamit sang VCO bilang supplement.
57 ka mga adult individuals ang nagpakigbahin sa nasambit nga pagtuon sa diin ang kada isa sa ila naggamit sang VCO base sa ila kabug-aton okon body weight.
Nagpatigayon man ang DOST sang VCO hospital trials sa 77 ka mga adult patients nga may COVID 19.
Ginklaro sang DOST nga wala pa sang resulta kag nagapadayon pa ang pagtuon sang ahensya angut sa benepisyo sang VCO sa mga hospitalized patients.
Magluwas sa VCO, ginagamit man sang DOST ang Lagundi para sa mga pasyente nga mild symptoms sang COVID.
Statement of Dr. Imelda Angeles-Agdeppa, director sang DOST Food and Nutrition Research Institute:
“Because of its preventive effect that we have found in our study, wherein it really had diminished the signs and symptoms as early as two days for those patients given VCO, as compared to those without the VCO.*
