Nagpakita sang maayo nga resulta partikular sa pagnubo sang COVID virus sa mga pasyente sa ginpatigayon nga community trials sang virgin coconut oil (VCO) para sa mild symptoms sa patients.
Ginsiling ni Department of Science and Technology Undersecretary (DOST) Rowena Guevarra nga pinaagi sang VCO nagnubo sa 60 tubtob sa 90 porsyento virus count sa mild cases sa mga pasyente nga gin-test sa Sta. Rosa, Laguna.
“Nakita na napababa ang amount ng virus ng 60 hanggang 90% sa mild cases, and this is consistent with the community trials natin,” pahayag ni Guevarra.
Ang nasambit nga trial ang ginhimo man sa mga komunidad sa Valenzuela kag Mandaluyong.
Sa ginpatigayon naman nga clinical trial sa Philippine General Hospital (PGH) sa mild kag severe cases, gina-check pa ang resulta kag posible ipaguwa sa katapusan sang Oktubre ukon una nga semana sang Nobyembre.
