Ginpahayag sang Commission on Elections nga posible suguran ang voter registration para sa Barangay kag SK elections sa Hulyo 4 tubtob 30 nga gin-aprubahan sang COMELEC en banc.
Suno pa kay COMELEC acting spokesperson John Rex Laudiangco nga pagasuguran na nila ang paghanda para sa pinili-ay kaangay sang procurement sang mga galamiton sa pag-imprenta sang balota, sunod sa direktiba sang COMELEC en banc.
Gindugang pa ni Laudiangco nga pagatun-an man nila ang health protocols sa polling centers, pati na ang pagbutang sang isolation polling places sa tunga sang pandemic.
Base sa record sang COMELEC, magalab-ot sa 66 million ang kabilugan nga registered voters sa maabot nga pinili-ay samtang ara naman sa 23 million ang kadamoon sang botante para sa SK elections.
Ang Barangay kag SK elections ang nakatalana sa Disyembre 5 sini nga tuig.
