10 ka tuig nga babayi ginhimuslan kag ginpatay sa Misamis Oriental

Isa ka brutal nga trahedya ang nadangatan sang 10 ka tuig nga bata nga babayi sa Claveria, Misamis Oriental.

Nasapwan ang biktima nga wala na sang kabuhi sa sulod sang sako kag gintumpokan sang mga bato sa isa ka creek matapos ini ginhimuslan kag ginpatay sang 28-anyos nga suspek.

Sandig sa kapulisan, antes pa man masapwan ang biktima, boluntaryo nga nagsungka ang suspek nga si Ariel Limas kag gin-aku ang krimen nga ginhimo sini kag siya mismo ang nagtudlo kun sa diin niya ginlubong ang biktima.

Una na nareport nga nadula ang biktima sadtong Marso 1,2023 sang wala ini nakapauli halin sa iya eskwelahan.

Samtang, yara naman sa Claveria MPS ang suspek kag nakatalana nga pasakaan sang kaso.