Ini na ang ikaduha nga ti-on, nga ginpa aresto sang korte sa probinsya sang Cagayan ang isa ka pari bangud sang kaso nga paghimulos.
Gin-isyu ang warrant of arrest ni Judge Dennis Mendoza sang Regional Trial Court Branch 4.
Kalakip sa kaso nga ginapangatubang sang pari amo ang 20 counts sang acts of lasciviousness, voyeurism kag rape.
Sang tuig 2022, gindakop man sang mga otoridad ang pari bangud sa reklamo sang isa ka dalagita nga katapu sang Youth Ministry, nga gin molestya siya kag ginhimuslan sang akusado.
Nakapiyansa ang pari sang 183,000 ka pesos gani wala na makatiner sa bilangguan.
Sini nga tuig, wala na ginpahanugutan sang korte ang pari nga makapiyansa sa iya mga kaso.
Ginhingadlan sa report ang pari bilang si Fr. Karole Reward Israel, assistant parish priest sang St. Vincent Ferrer sa banwa sang Solana sa probinsya sang Cagayan.*
