404 ka mga estudyante nagpanginmatay sang tinalikdan nga school year sa bilog nga Pilipinas

Ginatos na ka mga estudyante ang nagpanginmatay sa bilog nga Pilipinas sang school year 2021-2022.

Base sa natipon nga datus sang Department of Education okon DEPED, 2,147 ka mga estudyante ang nagtuyo nga magpanginmatay sa nasambit nga school year, sa diin 404 ang nabawian sang kabuhi.

Suno kay senator Sherwin Gatchalian, makaalarma na ang sitwasyon sa sektor sang edukasyon, nga nagapangatubang pa sang madamu nga mga problema.

Ginpalayag man sang mga eksperto nga nagapadayon ang pagsaka sang kaso kag nagalala pa ang sitwasyon bangud sang pandemya.*