Pagkawat sang P3 milyones sa balay sang municipal treasurer sang Isabela wala makuhaan CCTV footage bangud ‘brownout’

BACOLOD CITY – Ginpahayag ni Police Captain Dax Santillan, hepe sang Bacolod City Police Station 6, nga may CCTV sa balay sang municipal treasurer sang banwa sang Isabela nga gina-alegar ginsulod kag ginkawatan sa Las Palmas Subdivision, Brgy. Taculing, siudad sang Bacolod sang Enero 21.

Apang dugang ni PCAPT Santillan, wala makuhaan sang footage ang insidente bangud wala sang power ang mga CCTV tuga sang “brownout” sa ikaduha nga panalgan sang nasambit nga balay.

Base sa pahayag sang tagreklamo nga si Nennette Escarda, 60-anyos nga residente sang nasambit nga lugar, ang ginkuha nga P3 milyones amo ang kuwarta sang banwa nga inug-deposit sini kuntani sa bangko.