SAMPALOC, MANILA– Gin-hostage sang amay ang iya kaugalingon nga anum ka tuig nga bata nga babayi sa ila balay sa Barangay 408, Sampaloc, Maynila.
Natabo ang insidente matapos mag-away ang amay kag iloy sang bata.
Matapos sang pag-inaway, naglayas ang iloy kaupod ang duha nila ka mga kabataan apang nabilin ang kamanghuran bangud nagakatulog pa ini.
Makita sa litrato nga nakatutok ang isa ka matalom nga armas sa liog sang bata.
Luyag lamang sang amay nga ma-istorya liwat ang iya asawa kag duha ka bata.
Sang makakuha sang tiempo ang kapulisan, nasalbar nila ang bata sa iya amay.
Suno sa iloy, indi niya mabinag-binag nga nagdangat sa pag-hostage ang paglalisanay.
Suno naman sa iya bana, wala ini sang plano nga sakiton ang iya anak apang luyag lamang niya nga ma-istorya ang asawa.
Sa karon, nagapadayon ang imbestigasyon sang kapulisan may angut sa insidente.*
