Nabalik na sa actress kag host nga si Camille Prats ang cellphone matapos ginkawat sa sulod sang iya bag sa natabo nga BlackPink concert nga ginhiwat sa Philippine Arena.
Sang mahibalu-an ni Prats nga nadula ang iya cellphone, gilayon gintawgan niya ang iya bana nga si VJ Yambao nga ipanason ang tanan nga data sa cellphone.
Ang cellphone ni Prats ang may tracker, gani madali lang sa ila nga makita ini.
Sang tinalikdan nga adlaw, Marso 27, ginkadtu-an sang mag-asawa upod ang mga pulis ang balay nga gintudlo sang tracker apang ginpanginwala naman sang tag-iya sang balay nga nagtambong ini sa BlackPink concert.
Gilayon gin-review sang mag-asawa kag kapulisan ang CCTV footage sa village sang suspek kag kun sin-o nga tawo ang nakasulod kadungan sa cellphone ni Prats.
Sang mahibalu-an sang mag-asawa nga daw ilaga lang ang ila ginalagas, nag-untat na lang ini sa pagpangita.
Apang kahapon nga adlaw, Marso 28, nakita sa tracker nga yara na sa police station ang cellphone kag gin-surender ini sang isa ka delivery service.
Kasadya naman ang nabatyagan sang mag-asawa bangud hungod nga ginbalik ang cellphone ni Prats.
“Don’t be scared to ask for help, God knows our hearts and we really wanted to deal with this as peacefully as we can. No harsh words, no accusations. Never ending pakiusap lang talaga. Who would’ve thought na babalik ‘yung phone not by force from the person who has it but by him simply sending it to a police station to return it. Only God can make that happen,” suno kay Prats.*
