Nagdangat na sa 70 million ang mga pilipino nga ‘fully-vaccinated’ batuk COVID-19 sa ginpatigayon nga vaccination program sang gobyerno, suno kay Carlito Galvez Jr., National Task Force Against COVID-19 chief implementer kag vaccine czar.
Base sa National Vaccination Operations Center (NVOC), kalakip sa 77.78 porsyento nga target population sang pungsod ang totalidad nga 70,005,247 sang mga indibidwal nga nabakunahan na batuk COVID-19.
Madumduman sadtong Marso 2021 nga ginsugudan sang gobyerno ang COVID-19 vaccination program apang ginsiling ni Carlito Galvez Jr. nga pamatuod ini nga ‘commitment’ sang gobyerno nga mabakunahan ang madako nga populasyon sang mga pilipino batuk sa makamamatay nga virus.
“Nagpapasalamat ang NTF sa lahat ng ating health workers, volunteers, at mga kababayang nagtulong-tulong para mas marami tayong mabakunahan at maprotektahan laban sa COVID-19,” suno kay Galvez.
Nagdangat na sa 153 million nga Covid vaccine doses ang napanagtag sang gobyerno.
May 74.9 million ang nakabaton sang isa ka dose sang bakuna samtang may 14.7 million naman ang nakabaton sang pinakauna nga booster shot apang may 648,555 ang nakabaton sang ikaduha nga booster shot.
