Patay ang isa ka lalaki nga “wanted” bangud sa pagpatay sa iya kaugalingon nga asawa matapos magtumar sang muriatic acid sa Quezon City sang Domingo, Hunyo 19, 2022.
Ginkilala ang suspek kay Eduardo Anire Vergara, 56-anyos nga residente sang 74 Judge Juan Luna Street sa Barangay Bungad, Quezon City.
Nagpalagyo naman ang suspek matapos ginsumbag kag ginbuno sang kustilyo ang iya asawa nga si Jhendel Pearl Santos, 28-anyos sadtong Hunyo 11.
Base sa Masambong Police Station 2, ginkadtuan sang mga otoridad ang puluy-an sang pamilya sang suspek sa Central Signal Village, Taguig City kun sa diin ini nagapanago kag nahibaluan nga nagtumar ini sang asido.
Gindala ang suspek sa Central Signal Village, Taguig City, Quezon City General Hospital apang ginbawian man ini sang kabuhi.
