Naga-atubang sa kaso nga “abduction with acts of lasciviousness” kag “rape” ang isa ka Barangay kagawad sang Brgy. Calaba sa banwa sang San Isidro matapos ireklamo sa paghimulos sa isa ka 14-anyos nga dalaga sa Nueva Ecija sang Sabado, Hunyo 18, 2022.
Base sa pahayag sang biktima nga ginpangalanan nga “Jessica”, natabo ang pagkidnap kag paghimulos sa iya sang suspek nga naga-edad 60-anyos sadtong Mayo 25 samtang nahibaluan man nga una ginhimuslan ang biktima sang suspek sadtong Mayo 23.
Suno kay Jessica, nagapaload ini samtang ginbangga-a siya sang isa ka tricycle nga ginamaneho sang suspek kaupod sang duha ka babaye nga naka facemask.
Nanaug ang suspek sa tricycle kag gintabunan ang ilong sang biktima sang panyo nga gintunaan sang pagkadula sang animo sang biktima.
Nakabugtaw ang biktima sa madulom nga lugar kung sa diin ginhimuslan ini sang suspek tubtob madulaan ini liwat sang animo.
Nabugtaw ang biktima nga yara na ini sa ila balay matapos ini idul-ong sang babaye nga kaupod sang suspek.
Ginreport naman sang biktima sa kapulisan ang nasambit nga insidente apang ginpahog ini sang suspek nga kakson ang iya iloy sa ila barangay bilang utility officer kun manugid ini sa mga otoridad.
