Patay ang kadete sang Philippine National Police Academy matapos na-cardiac arrest sa ginpatigayon nga regular physical fitness activity sa sulod sang campus sa Silang, Cavite sang Sabado, Hunyo 18, 2022.
Suno kay Police Maj. Gen. Alex Sampaga, director sang PNP Academy nga natumba si Cadet Rafael D. Sakkam sa road run nga ginsiling sang doctor epekto sang heat stroke.
Gindala naman si Sakkam sa Qualimed Hospital sa ciudad sang Sta Rosa apang ginbawian man ini sang kabuhi.
“The needs of Cadet Sakkam were all provided by the PNPA Administration during his hospitalization until his burial today following strict Islamic tradition. The family is likewise requesting for privacy as they mourn his demise,” suno kay Sampaga.
Nagpatuman si Sampaga sang mahugot nga pagsulundan agud masiguro nga yara sa maayo nga kondisyon ang tanan nga kadete sa tion sang ila summer training kag malikawan nga matabo ang insidente sang heat stroke.
